Morena resa yvoty

Tuichaite mba'e la chéve ojehúva
Nderehe apensárõ morena juky
Ndachéiko ha'e la nde rehayhúva
Arribeñomi rova ñembyasy

Marã anga ãicha Tupã Ñandejára
Ojapo ko'ãva che quebrantorã
Aikomahag̃ua opaiteve ára
Rohecha guive nderehe apensá

Umi nde resa lucheroichaguáva
Hataindykuemíme ajesapese
Ajépa ovy'áne karia'y ipo'áva
Ko yvy apére rehayhúva nde

Pe ne rembemi pytã asyetéva
Opukavymírõ ahayhueteve
Ha nde tyvyta jasýicha ikarêva
Hese chetavýta ko'êramoite

Marãpiko che péicha aikovéta
Nderehe apensávo morena juky
Quebranto ratápe ajehoveréta
Ha nde otroitépe akói rehayhu

Péinama araháta nde réra che akãme
Ko'águi ahakuévo mombyry asyete
Amanoha hora ha'éne Tupãme
Chembouhag̃ua ne renda peve