Chejukáta ne pore'ỹ

Nde rogakuemíreko che amañáva
Ha alamentáva rehoguive
Ku pyharérõ che rosoñáva
Chepaypeguáicha ko'êmeve
Añenomírõko che ahekáva
Che catremíme che akãngyta
Ku pyharérõ chemongehára
Che akãmi guýpe pe nde jyva

Nde rehoitégui añesentíva
Techaga'u chejuka pota
Che resaýmante oñaníva
Nde rogakuére ahárõ amaña
Itriste chéve kóicha, mi vida
Quién sabe el tiempo jajoechave
Ya rehoitéma piko, Blanquita
Nandepiedái anga cherehe

Asajekuémi ñande ypýpe
Oñe'ê asy ku korochire
Nde cheañuãmi tory vy'ápe
Nañanduvéiva rehoguive
Tape po'i nde ykua rapére
Akóinte oiméva nde pypore
Hysýiva ohóvo ojoapykuéri
Ndojeborráiva ág̃a peve

Nde ykua satî oiméma hypa
Ha iñanandypa nde yvotymimi
Ku rehoguive opáva vy'a
Ha ika'aguypa nde rogakuemi
Nde rehoitégui añesentíva
Techaga'u chejuka pota
Che resaýmante oñaníva
Nde rogakuére ahárõ amaña