Chaco poty

Rohayhu porãguinteko, che yvoty, aju ne rendápe
Aru che jurúpe purahéi pyahu nemba'erãite
Ndaikatumo'ãi aikovévo che ko tyre'ỹ'ãme
Chejopy asýgui ne mborayhumi rohecha guive

Ndaikatumo'ãi roipe'a che akãgui, rohayhu jepéma
Pevarã voípa ko nde rekoháre aiko aguyguy
Ajuhuhag̃ua chaqueña poty hyakuã asyetéva
Ha oguejysetéva ipotykurúre umi mainumby

Hetaite rire ajepy'apy ne pore'ỹnguépe
Ajumi ko'ág̃a ahechasetégui ne ma'ê rory
Nde nereimo'ãi rohechavaha py'ỹinte che képe
Ko techaga'u chejuka potágui, che kamba juky

Rohechaga'úguinteko, chaqueñita, aju ne rendápe
Ani reimo'ã umi ambuéicha añe'êrei
Ha'Eva'ekue ndéve, ha nemandu'áne, ku jerokyhápe
Chenteha ko'ág̃a nderayhu porãva, kuñataîmi

Hetaite rire ajepy'apy ne pore'ỹnguépe
Ajumi ko'ág̃a ahechasetégui ne ma'ê rory
Nde nereimo'ãi rohechavaha py'ỹinte che képe
Ko techaga'u chejuka potágui, che kamba juky