Che képe guare

Añandu porã ko che korasõme hasy chekutúva
Rohecha che képe chemyengoviaha voi asyete
Apáy apu'ã, anga chejupe añeporandúva
Oimépa añete péicha rejapo, nde, che yvotymi

Ha'etehag̃ua asê aguata upe ka'arúpe
Ha ko che ñe'ã itarovaite, nderehe hi'ãho
Añandu asy hasy chekutúva ko che ãngakuápe
Ku che rembiayhu ahejava'ekue cherehe oguapy

Ikatu nga'u reñandu avei ko che añandúva
Rehechahag̃ua tuicha mba'eha upe mborayhu
Hípukopa oiméva nemandu'a ko nderayhuháre
Ha chéanga ápe arojahe'o che képe guare

Oiméne ovy'a maymáva ambue mante nderecháva
Ndoikuaái hikuái mombyry oîva nderechaseha
Nderopurahéiva, nderojahe'óva imbarakapúpe
Ha márõ ni upéicha ndopíri chugui ko techaga'u

Ka'arupytûvo che'ãho mante nderehe, che áma
Ndaikuaáiko che ndépa cherayhúvapa gueteri
Mombyry reîgui hi'ãnte aveve ajami nde ypýpe
Rohupi che pópe rombojeguakávo, che tupãsymi

Ikatu nga'u reñandu avei ko che añandúva
Rehechahag̃ua tuicha mba'eha upe mborayhu
Hípukopa oiméva nemandu'a ko nderayhuháre
Ha chéanga ápe arojahe'o che képe guare