Colón árape

España grandiosa, epáyke ehendu
El doce de octubre péinama og̃uahê
Colónpe g̃uarã purahéi ogueru
Tapỹi ñemimbýgui osêva ñe'ê

España grandiosa, nde América sy
Hyapúma yvy ápere, ehendúke ndave
Kuarahy reikehápe oikóva tory
Mba'éichapa oî Colón rerakue

Cuatro siglos riréma Colónpe g̃uarã
Guarán raitymígui osêva oveve
Purahéi ipepóva ohóva oheka
Yga mbohapy Colón ryrukue

He'i ñande sýpe ¿Mamóiko oime
Para omboyjúiva, ygava'eha?
Reina de Castilla remime'êngue
La Pinta, La Niña y la Santa María

Umi mbohapýpe Españagui osê
Para guasuete vevépe ohasa
Mboypýri oîva yvy ambue
Iképe ohechágui oúma oheka

Mbya ambue tape ndojuhúi
Pytû ichuguikuéra yvy ñaimeha
Colón oikuaáva mavave nohetûi
Ko yvy pyahu oiméne hag̃ua

Tuvami mboriahúgui hetãme ndaje
Oho huvichápe auxilio reka
I-rey nopenái, he'íanga hese
Mamópa oikuaáta mba'e tarova

Upéicha he'írõ hese huvicha
Hese ndoguapýiri, osênte ou
Tapére ojeity España reka
Su sueño de gloria ipópe ogueru

Mávapa ojapóne Colón rembiapo
Pinedo ni Franco por más que oveve
Añeténiko, umíva yvatérupi oiko
Ohua'î oikuaágui tape oî rire

España grandiosa, ehupi nde resa
Ehecha ipotýrõ ko mundo pyahu
Mboypýri guivénte ehendu ha evy'a
Ko el doce de octubre mba'épa ogueru